مابين المئات اللى مقدمين لوظيفة ايه اللى يخلى HR يكلمك انت بالذات و يقولك عندك انترفيو اليوم الفولانى ؟! 🤔 🤔
**************************************************************
-الزتونة كلها فى الCV 🤭
السيرة الذاتية (CV) هى الاداة اللى بتسوق بيها نفسك فى سوق العمل و من خلالها بتقول لل HR انا الموظف اللى بتدور عليه حتى من قبل ما يشوفك ويقعد معاك.

لو لسه معملتش CV يبقى اقرا البوست للاخر و لو عملت اقرا البوست برضه يمكن تطلع بكلمة تفيدك و اعمل منشن لصحابك و شير لو فيها رخامة.

• اقسام السيرة الذاتية (CV)
• Personal information:
هنا بتكتب اسمك بالكامل و عنوانك بس مش بالتفصيل كفاية اسم المنطقة و المدينة و بتكتب رقم
التليفون و الايميل الخاص بيك و نقطة مهمة جدا هنا لازم يكون الايميل باسمك و اسم ولدك مش اسم دلع ليك عشان الايميل يبقى بروفيشنال و لازم تكون بتفتح الايميل يوميا عشان لو جالك ايميلات عليه.

• Education:
لو انت خريج بتكتب اسم الدرجة العلمية و اسم الكلية و التخصص و الجامعة و سنة التخرج ثم التقدير العام.
لو انت طالب بتكتب السنة اللى انت فيها و اسم الكلية و التخصص و الجامعة.

• Work Experience:

هنا بتكتب الوظايف اللى اشتغلتها قبل كده، اسم الوظيفة و اسم الشركة و الفترة من تاريخ كذا لكذا (بالشهور و السنين) من الاحدث للأقدم.
و لو انت خريج جديد او طالب و مشتغلتش حاجة قبل كده مش شرط تكتب الجزء ده لان طبيعى انت معندكش خبرات بس حاول تركز بقى على باقى اجزاء الCV ذى اللغات و الكورسات و لو اتدربت فى مكان او حضرت ورشة او ندوة فى مجالك اكتب الحاجات دى.

• Training:
بتكتب اسم الشركة او المكان اللى اتدربت فيه و فترة التدريب اد ايه (من الاحدث للاقدم).

• Courses:
بتكتب اسم الكورسات (من الاحدث للاقدم) و مكان الكورس و الفترة الزمنية اللى اخدت فيها الكورس من كذا الى كذا
و لو فى كورسات اون لاين او تعليم ذاتى اكتب برضه اسم الكورس و الموقع اللى اخدته عليه (الكورسات الاون لاين دى نقطة مهمة بتوضح انك شخص بيعتمد على نفسه).
• Languages:

بتكتب اسم اللغة و مستواك فيها (Good – Very good – fluent)

• Skills:
المهارات نوعين
اولا: Soft Skills يعنى بتقدر تشتغل فى teamwork و individually و انك شخص active و motivational و عندك مهارات Communication, Presentation Leadership و ضيف اى مهارات كويسة تنفع للوظيفة.
ثانيا: Technical skills اى مهارة متعلقة بالكومبيوتر ذى Microsoft office و Photoshop و غالبا اى وظيفة بتتطلب تكون بتعرف تستخدم برامج word و Excel فحاول تكون كويس فيهم.
لو فى اى اعمال تطوعية اكتبها لانك بتقول لل HR انك شخصية بتقدم مساعدة بدون مقابل و هتدى الشغل بتاعك كتير.
**************************************************************
كده خلصت و عملت CV بس فى شوية نقط لازم تاخد بالك منها عشان الحلو يكمل.

1- ده موقع مجانى اعمله تحميل هيساعدك تراجع الاخطاء الاملائية و الجرامر www.grammarly.com لان اى خطأ نحوى هيبوظ شكل السى فى.
2- اكنب ال CV بالانجليزى لانه بيكون بروفيشنال.
3-بيفضل استخدام Times New Roman كنوع الخط المستخدم فى ال CV لانه بيكون Formal اكثر.
4- يفضل حجم الخط يكون ما بين 12 الى 14.
5- بلاش تكتب كلمة CV او Curriculum Vitae فى ال CV بتاعك.
6- متخليش ال CV يزيد عن صفحتين.
7- اما تيجى تبعت ال CV ابعته نسخة PDF لانه بيكون formal واكتب اسمك ثنائى عليه من بره.
8- ممكن تعمل الCV بنفسك على برنامج الWord او تحمل سير ذاتية جاهزة و مجانية من النت و تعدل فيها و تكتب بياناتك و يفضل تستخدم Modern CV لانه بروفيشنال اكتر.
9- اعمل حساب على LinkedIn لانه هيعتبر حاجة بروفيشنال ليك و كون شبكة علاقات عليه فى مجالك.
**************************************************************
فى الاخر هقولك Don't just write a CV, write one that stands out